未搬屋先出血

其實連樓都未收, 都唔知幾時先有得搬. 但每逢見到大減價, 都忍唔住, 要大出血一番.

最近兩個星期就先後買了 7 套beddings, 兩張被, 兩個枕頭(之前買床褥已經送咗四個).

我已經無晒買bedding  的 quota 了! 仲有第一次買厚身牀褥無經驗, 見到Casa Calvin 2仟幾蚊減到699, 就買咗兩set, 點知番到屋企先醒起張牀褥一呎厚, 但個床笠得9吋厚!

以下係今日的收獲, 拎到抽筋.

永安買的throw, 意大利製的. 另外仲有一張德國製的白色暗花. 不過無影相.

呢套西班牙的, 買離買去都係暗花:

前兩日見到有人係網上鬧, 話比Rapee 呃咗, 話用169買咗一個king quilt cover, 但品質不好, 好似話濕的時候顏色深淺不一, 但乾了就無事. Rapee 啲嘢平時咁貴, 見有啲咁平的嘢, 今日飲完茶順便去曼克頓山間分店睇吓, 一毫子都無減! 但下午再去荃灣嗰間, 真係做緊 'Bargain Sale' 喎.

其實我每個weekend 飲完茶都會去睇一睇Rapee,呢個裝antipasti 的盤, , 每次我都好想買, 好彩無買咋.而家半價呀!

 

Millefiori 係意大利brand, 呢個香薰座好靚:

呢啲就係$119同$169的床單/床笠同被袋(咩size 都係呢個價錢!)

呢set 貴好多, 要960, king size (因為床笠無晒king, 要加$60買super king)

Faux Crocodile cushions, 暗花bolster