上年九月去咗越南河內九日.
河內其實都幾落後, 個城市好似內地啲落後的地方咁, 我好鐘意買的化妝品同護膚品根本無得買. 但居然佢啲家品都幾得吓. 不過當然係basic 啲, raw 啲的款, 唔係太時尚, 或者好似泰國嗰啲好有創意的款. 但好處係超級平. 比啲心機一定執到筍野. 所以我已經plan 咗今年九月再走一轉. 希望到時我已經新屋入伙啦!
係河內Sofitel 房間內放咗下面的茶壺, 好鐘意啲紋, 但係圓形的 (我最鐘意方形, 唔多鐘意圓形的東西), 係酒店gift shop 都只係賣300幾蚊, 我原本都諗住買, 但比我老公制止.
結果比我係外面揾到呢個方形的 (我最鐘意方形, 唔鐘意圓形的東西), 連六隻杯同一個托盤, 都只係十五蚊美金!!! 之後仲係另一間鋪見到開價十二蚊美金!
越南之旅仲去咗中部一個叫會安的古城, 呢個城好多燈籠賣. 我見好靚, 都唔理三七二十一,買咗幾個返離. 新屋的裝修都要就住離襯返.
沒有留言:
張貼留言