自從年半前搬到現居後才開始入廚, 暫時只懂做很簡單的菜式, 對食材也沒甚研究. 通常都是週末到街市買兩三天的菜, 星期二至星期五要煮飯就得於午飯時間出外買菜.
大約年多前, 有天忽然在一幢頗隱閉的商業大廈的地鋪, 看到一間與鄰鋪格格不入的賣皮蛋小店, 該店隱閉得有次我想再去幫襯時找了十五分鐘也找不到. 鋪內的裝修與傳統賣皮蛋的店很不同, 只有幾枝很光猛的光管, 加白色的牆身, 比較像office! 第一次幫襯時只覺得這店很怪, 為什麼在商業大廈會有這樣一間像office 的鋪子而全店只是賣皮疍的呢??? 當時鋪內有一婆婆在休息, 另有一女子在看鋪. 走時還見到有 '上等人' 婆婆在後生靚太的參扶下入內幫襯.
回家一試之下, 皮蛋果然很溏心! 不過因為之前沒有買過很多次皮蛋的經驗, 無從比較, 並不知道原來這皮蛋算是很靚的了. 如是者, 後知後覺的我, 每次要買皮蛋就到這店幫襯, 只因這店離我office 很近很方便. 到後來有次幫襯九龍醬園的皮蛋後, 才知這店的皮蛋靚很多. 之後首領雖告之買皮蛋要到順興行, 但我還是貪方便幫襯這隱閉小店.
直至後來有一天, 鏞記在報章刋登聲明, 指有傳鏞記的皮蛋由順興行供應, 實質並非如此. 於是我便上網查一查究竟順興行是什麼東東. 卻查到該店老闆去世後演變出爭產風波. 據文匯報2011年2月的一篇報導http://paper.wenweipo.com/2011/02/18/YO1102180012.htm指, "上環永樂街「順興號」以賣溏心皮蛋享負盛名，由小小皮蛋舖發展成擁過千萬元資產，不料在東主去世後，卻鬧出一幕「溏心風暴」。去年喪夫的老闆娘欲繼續經營「順興號」賣皮蛋尋求寄託，但其第三子卻被指開天殺價，要收1,400多萬元才肯將店舖易手。眼見年邁母親氣得中風入院......" 原來這老闆娘就是那位我常常幫襯買皮蛋的婆婆, 即是順興行的老闆娘! 因為丈夫去世後家裏鬧爭產, 於是自己出來開鋪賣皮蛋! 我之前也覺得婆婆身體好像不太好, 通常都是坐在一旁休息, 有時在店中, 有時坐到外邊曬曬太陽吹吹風, 原來婆婆曾中風. 店裏通常都有一男一女在看鋪(有時在打瞌睡!), 不知是不是婆婆的兒媳呢?
地址: 上環 永和街23號俊和商業中心2B鋪
涼泮青瓜皮蛋, 酸酸辣辣, 夏天吃最好:
其實呢，鏞記既皮蛋以前真係由順興行供應架，佢既買手自從轉左個女做之後，乜都轉哂！鏞記自己家陣都搞到一鑊粥！我呢年轉左用度小月皮蛋，咸蛋就用越南貨
回覆刪除[版主回覆06/08/2012 21:31:42]我無咩研究呀. 都是貪方便, 唔係太差就算. 唔得閒亦都唔識週圍揾呀.
9龍醬園d皮旦都好得~~
回覆刪除[版主回覆07/24/2012 19:15:19]Haha, 外國人叫佢做 Thousand year egg 喎, 會唔會可以擺一仟年?
[Mr & Mrs Leung回覆07/24/2012 14:01:18]我老公都買過, 仲在雪櫃, 可以擺幾耐??? 我諗我擺左成年了...
[版主回覆06/08/2012 21:28:20]我之前買過一次九龍醬園的溏心皮蛋. 但唔係太溏心. http://blog.yahoo.com/_UVVMXQFF3QX7CBH2RTOUGPIEVI/articles/26562/category/%E6%96%B0%E6%89%8B%E5%85%A5%E5%BB%9A
Do you have the address? looks delicious.
回覆刪除[版主回覆06/12/2012 09:26:35]地址: 上環 永和街23號俊和商業中心2B鋪
ｅ間係好鬼正，我由細食到大架．．．都唔知ｅ家佢地有禁多事．．．
回覆刪除[Mabel回覆06/13/2012 13:58:13]因為我爸爸係附近做野.
[版主回覆06/13/2012 13:11:06]由細食到大咁好! 我阿媽唔鐘意溏心, 我自細都係食 '實心' 皮蛋!
無錢不行, 有錢又家無寧日!!
回覆刪除[版主回覆06/25/2012 13:48:15]見亞婆咁都好無奈.