看見Marketplace by Jasons 新推出網上購物, 新登記又送傘, 買滿$500免費送貨之餘還送$50現金巻. 對身為村姑的我簡直是一大喜訊!
因為反正柴米油鹽這些東西都是要買的. 不用自己抬之餘又有禮物送, 一舉數得!
幫襯過後, 真的忍不住要在這裏讚一下這公司, 因為整個由網上落單至收貨的過程都很順利和滿意, 而且買到的貨物也很抵, 值得推介!
一次過買滿$500其實不難. 我總共買了兩包米, 12樽sparkling water, 2包 semolina flour, 6罐花奶, 1 樽black peppercorn, 2條face tissue, 就已經夠$500元了.
米的價錢沒有比平時超市特價時貴. 1.5litre 的Sparkling water 更只要$8.8一枝, 夏天雪凍加lime 飲真的一流, 解渴之餘又不用像飲汽水般肥. Semolina flour 除了City Super's 之外, 我也不知還可以去那裏買. 其他雜貨比我平時在雜貨鋪或葯房買開的價錢最多只是貴一個幾毛.
這間公司的網上購物還可以加八達通積分, 又送印花. 你用不用得上是一件事. 但他們就是沒有小家子氣地將所有給予親身購物顧客的優惠拿走. 送的coupon2014年才到期, 亦沒規定要買滿多少錢才可以用.
服務方面, 下單個多小時後有職員致電告知我選購的peppercorn 沒貨, 還貼心地建議另一類似貨品. 送貨的職員亦十分有禮. 服務效率亦很高. 早上下的訂單, 下午六時後已可送貨.
總之這間公司給我的印象就是大大方方, 做事快夾妥, 要入柴米油鹽的村姑, 可以考慮一下啊!
買Semolina整意粉？
回覆刪除[首領回覆06/19/2012 22:38:50]身為精明既煮婦，我都要去家興走轉喇
買本薄仔記低D行情，但有時油錢、泊車錢都係返到！
[版主回覆06/19/2012 13:43:00]Jusco 又唔一定貴喎. 佢做會員感謝日時有啲嘢好平. 我上次買韓國餃子, 仲平過識人係大昌行買呀. 所以我話要逐樣記價錢考記性. 番工記嘢又唔見咁叻 家興係屯門. 好以近三聖嗰頭. 你上網search 吓. 我個街坊間中就出車去大手購入柴米油鹽同飲品. 話計埋油錢停車錢都抵喎. 不過我未去過, 你去開小欖可以睇睇.
[首領回覆06/19/2012 13:29:06]超市又唔一定貴過出面，Jusco and 一田仲貴，唔好講cc super喇！我試過同一樽柚子蜜，百佳$49, 一田 $69
家興係邊架？未聽過啊！
[版主回覆06/19/2012 13:11:02]咁你有無去家興呀. 我有個街坊話嗰度買飲品平好多. 我就未去過, 因為好少買飲品. 去超市買嘢, 真係少啲記性都唔得. 要記住係出面買幾多錢, 就咁睇有無特價真係靠唔住.
[首領回覆06/19/2012 09:50:06]其實呢，我淨係買飲品、廚房抹紙，一D外邊冇得賣既items同買貓罐頭先去超市買，因為超市既手段太乞人憎，尤其係百佳，扮人地包裝仲放正隔離，搏你拎錯，e.g. oreo餅！每逢weekend 就mark高d價再扮特價，最cheap既就係標價同過機價係兩回事，我試過幾間都係咁，所以我睇實個過機價錢，跟住再check 單！我最憎佢呢D cheap cheap 手段！
[版主回覆06/16/2012 14:38:48]想吓先. 近排好忙. 每星期都要同矇豬去遊水. 仲要洗衫, 執屋, 做園藝..... 我揀特價嗰啲先買, 大眾化啲的牌子就會比葯房貴多啲. 某啲貴價少少的牌子, 真係只係貴約一蚊五豪.
[首領回覆06/13/2012 14:36:41]好多野藥房真係平好多，絕對5係一個幾毫咁少！不過，你係在職村姑，係用錢買時間，就唔爭在果幾蚊既分別！
咦 ~ good wor ~ 等我又上去八下先
回覆刪除[笨 B 媽媽回覆06/19/2012 14:03:02]刨緊 ^^ 嘩 Schweppes Tonic Water 勁平！
[版主回覆06/19/2012 13:44:55]不過唔係樣樣平, 要慢慢格下價.