為怕bbq時遺漏了什麼東西沒有拿, 一早已寫好清單, 列出有什麼要拿上天台的. 當天上午開始, 我便將大部分要用的東西放在大紙抽, 每次我和老公要由地下去樓上時, 就拿一抽上去, 那便不用專程為運送物資走上走落. 不過, 飲品和食物還是要在bbq 開始前請客人幫手拿上去.
襯客人未到, 還有些時間影相:
想特別介紹一下那三張畫. 其實不是晝, 是被我廢物利用的例子.
內裏是Villeroy & Boch 的newsletter. 很美的!
在 Ikea 買三個大畫框. 因為 newsletter 有點小, 我去文具鋪買了張咭紙墊底托起, 便變成畫了. 由於相片的風格近似, 放起來有連貫性. So good! 找天拍個大特寫給大家看清楚.
大的燭台在錦田紅磚屋買, $130 一個. 小的購自淘寶. 才幾十元, 還附一個精美的上牆鐵架. 不過我沒用上. 超值.
特別請老爸替我在這屋仔邊鑽上這條多餘的喉管, 讓我可隨時掛上裝飾物作佈置.
以上相片是客人未到之前拍下的. 其實以兩個人的人手, 要應付十多人的聚會是很困難的, 還要是在不同的樓層. 結果是, 到客人來到時, 我們二人各有很多東西要同時處理, 結果一些原本想處理的事卻辦不了. 所以, 你沒有看到那兩張放食物的枱的照片, 因為實在太凌亂了! 汲取了今次的教訓, 下次有任何想做的東西, 還是要在客人到來之前準備妥當才好.
另外, 雖然我們已經把想像到可能會用得著的東西拿了上天台, 但到bbq 時, 還是有意想不到的事情發生, 有數次要跑到樓下取東西. 入冬後要再bbq 的話, 還是在花園好了, 雖然沒有天台開揚, 但可省回很多腳骨力!
佈置得很美呀！好羨慕你們有天台，但搞活動左天台就真係辛苦好多，活動進行時，客人一定會要這要那，身為主人家點都要應酬不同的要求，真係要不停行上行落，好鬼累！我以前搞親party都點爉燭，但好多時太大風，吹熄哂！
回覆刪除我已再沒有到紅磚屋買野喇，太貴了，以前標價平好多的！
[首領回覆11/16/2011 13:13:20]係呀，我買過全新有牌子既搾汁機，成果蘋果唔洗切就搾，後來有Blentac就送走左！我又買過幾隻靚碟！夜冷就係咁，你要每次都碌入去細心D望，望望下就搵到啱洗既野！
[版主回覆11/15/2011 23:29:25]係咪即係價真棧條街? 我經過見好似賣小朋友玩具多. 好似唔覺有譚才記嗰類夜冷鋪.
[首領回覆11/15/2011 22:24:55]有，三至四間，其中有兩間係大橋那邊（誠信），另外有一間，價錢一d都唔平！大埔都有，又係開價過百一隻碟！但講真，要我係類似二手物件堆中找心頭好，價錢唔平就唔洗預我！我寧願比貴好多，去shop慢慢揀靚野，又或者唔買！譚才記開價正常好多！
[版主回覆11/15/2011 22:15:53]有啲咁ge 樹? 去開旺角要去睇吓先! btw, 你知唔知元朗有無夜冷鋪?
[首領回覆11/15/2011 16:00:33]有天台既景觀好靚架！我d燭台都有玻璃罩架，但都吹熄！我係譚才記買燭台，平過紅磚屋好多，$80既燭台，紅磚屋賣$200!!
[版主回覆11/15/2011 13:39:31]你小黃屋咁大, (應該叫大黃屋!) 要搞活動咪仲flexible! 我今次用的燭台有個玻璃罩, 所以無吹熄candle. 你唔去紅磚屋買, 係咪去小欖買?
景靚, 佈置正 ^^
回覆刪除[版主回覆11/17/2011 19:35:06]Thanks!
Wow, so envious I always dream of having a roof top garden!
回覆刪除[版主回覆11/17/2011 19:48:32]No need to envy, you can be my neighbour if you can bear with a drive of 20 min to TST or 30 minutes to Central before you can savor your favourite coffee & delicacies :)
個天台俾你佈置得好靚！睇完相我都想成為客人之一！哈！好羨慕！不過第一次用場實有甩漏的了，但自己朋友唔緊要啦！開心最緊要！
回覆刪除[版主回覆11/21/2011 20:39:02]多謝支持. 你個露台也不錯! 現在天氣好, 不熱不冷, 夜晚可以飲吓嘢嘆吓!
[神仙回覆11/21/2011 11:43:24]唔記得講，我覺得你個天台好似去左外國田園的FEEL呢！:)
我新入伙時都很興緻勃勃地攪了幾場 bbq，我們是 2 樓廚房 <=3 樓=> 天台地穿梭，已覺得累得不行，所以睇見你話上天台 bbq，都可預見之後你應該會有腳跛 feel XDDD 難得你有個花園，我覺得在花園攪仲好呀！不如諗下計點驅蚊喇 ^^ (可惜呢方面我冇咩心得) 之前你在淘寶買那些光觸媒滅蚊機呢？放在花園用得唔得呢？否則就點 n 個蚊香圍住大家 XDDD
回覆刪除[版主回覆11/25/2011 21:01:49]現在諗番, 其實攰是因為之前做準備時已經企了大半天, 沒有坐過. 其實客人來了之後我只上落一次, 不過招呼這麼多人都是花精力的了.
一絲不苟呢!
回覆刪除[版主回覆11/27/2011 14:17:24]第一次搞, 還是有點眼高手低.