雀仔花

大自然真奇妙.  這些漂亮的雀仔花, 今年自己從泥土裏冒了出來. 這也不算奇, 更詭異的是, 我並沒有買過這些顏色的. 鄰居也沒有種這花呢.

這兩盤藍色的仔細看你會發覺有點不一樣, 一盤很深, 一盤有些白的.

 

 

七兔伴月-Melody Macaron

月亮下的兔子@我家天台

自私

之前說過有次在村巴上遇到自私兼無品的女子的經歷. 
上星期又再遇到她. 
你看, 不幸的OL, 被擠了去前面, 大部分時間要烏低身, 不止不能靠在自己的椅背上, 我看她大部分時間要向前靠, 頭也差點要撞到前面的椅背上.

擠巴士當然是擠的, 但人為的硬擠到這個地步就是自私. 明知擠就大家相就一下, 有空間可以向外移一下. 無謂因為怕蝕底, 斤斤計較自己先上車就要像石像般動也不動. 大家身貼身, 好受嗎? 我寧願細半邊身坐不到椅子, 都不情願和側邊的陌生人身貼身. 
  

小敗怡情@LC 開倉

 

今年LC 開倉收六點, 收工都趕唔到過去.  唯有請半日假.

下午二時半到場, 無靚色靚形 ramekins,
只買了一個saffron 24cm risotto 和一個lavendar 29cm 大bowl.
見到有人放下一個cassis skillet, 但要$800, 好像有點貴, 而且家裏也有同類的東西, 所以沒有買.
另外見到一個32cm cassis round cocotte, 但原來蓋子上有很多花痕.  唯有放下.
原本想買一個marmite 當穫用, 但開倉原來只有白內櫳的. 放棄.


今次開倉收爐了. 他們收六時也有好處. 就是我不用每天心思思, 想著要不要趕過去看看.
瘋買的機會大減!

大隻蛤乸@萬寧

上星期已經想買這枝新出的牙膏, 佢聲稱用一個星期啲牙可以白一度.
但無嘢送, 無買.
點知今日lunch hour去萬寧,
只係買咗中間這三枝Optic White, 但係送咗八樣野.
過咗兩條馬路, 隻手已經拉長咗幾寸!
逼住立即折返office. 無得繼續週圍遊.

猜猜我是誰

Day 1

男子:  喂, 你記唔記得我係邊個?

阿吉: 記得, 阿强丫麻.

男子: (被屈叫阿强, 唔知點反應, 繼續照稿讀) 吓? 你真係唔記得我呀?

阿吉: 你咪阿强囉.

男子: 我唔見咗個電話, 啱啱轉咗個電話.  我聽日再打比你.

(阿吉十分期待翌日阿强來電)


Day 2

早上九時

阿强(被逼叫阿强, 但從來無認過):  你今晚得唔得閒?

阿吉: 唔得閒.

阿强:  我出咗事呀!

阿吉(三分肉緊):  咩事呀?

阿强:  我帶咗個女仔返酒店, 比公安拉咗呀!

阿吉(故作緊張):  吓! 咁點算呀?

阿强:  而家律師幫我搞緊, 要一萬蚊. 我唔夠錢, 可唔可以借住一萬蚊離先?

阿吉: 吓?我未出糧喎, 得三, 四仟咋喎.

阿强: 吓? 得三, 四仟? 都好啦.

阿吉: 咁點比你呀?

阿强: 我陣間發個戶口號碼比你, 你入落我戶口啦.

阿吉: 好呀.


中午十二時

阿强:  收唔收到我個短訊?

阿吉:  (明明收到)收唔到喎.

阿强: 咁你而家拎枝筆出離, 我讀個號碼比你聽, 你抄低佢啦.

阿吉: 好呀,你講啦.

阿强: 建設銀行 xxx-xxxxx-xxxx-xxxx-xxxxx

阿吉: 吓, 我無大陸戶口個喎.   我得香港戶口咋喎.

阿强: 香港戶口我收唔到架! 你去找換店滙比我啦.

阿吉: 我而家唔得閒喎, 要今晚九點先去到喎.

阿强: 吓, 九點找換店關咗門啦, 攞唔到錢喎.

阿吉: 咁你揾阿明幫手啦.

講到呢度, 阿强好無癮地收線了.  亦都再無揾阿(運)吉了.

北海道札幌場外市場及二條市場

從日本回來已經快要兩個月了, 但因為旅途中拍了很多照片, 一直懶於整理, 根本多得難以入手.
還是隨心所欲, 想說什麼就說什麼吧. 反正如果要很有系統地去寫遊記, 相信十年後也做不完啊!

今次日本之旅去了十天, 用asiamiles 換的機票, 香港至札幌, 來回也要經東京.
是我第二次去日本.
第一次是2005年, 當時只去了東京和箱根. 感覺不斷走路觀光和shopping 很疲累. 而且那次去是九月, 店鋪都沒有減價, 東西很貴. 也沒有吃到什麼美食. 整個行程除了浸温泉和箱根的風景外, 也沒有令我很回味的感覺.
今次去了北海道, 還要自駕, 不用怎樣走路, 感覺截然不同.
單是美食這個項目已叫人回味無窮!

這個札幌場外市場的早餐, 現在回想起仍然很興奮! 我這個是貝類. 不知怎的忘了拍老公那個.
兩個也是人氣之選. 約3000yen 一個. 很大碗, 我吃剩三分一!

淘寶買物13 - cookbooks

近來淘了十多本書, 又在book depository 訂了兩本回來. 前後共花了仟多元. 在香港買的話以這個價錢大約只可買到三本!
當中有幾本喜歡得不得了, 一定要在這裏介紹一下.

第一本是很實用的The Cook's Encyclopedia.
2010年 英國出的. 共有768頁, hard cover.
淘回來的.

寶石馬卡龍

攝到位到Flavors 學做馬卡龍.

這就是我的成品:

課堂開始前材料已經量好放在枱上

發起蛋白

加入色素

加入杏仁粉及糖霜

先撈後壓至落下時呈絲帶狀

同學做的綠色, 未入爐前有些奇怪

黃色也不錯

另一盤黃色較淡

入唧袋前先把袋在唧咀上方轉幾圈, 才將材料放入唧袋, 之後才拎回放鬆.  可避免一放材料入袋便漏出唧袋.

唧好圓形後要用牙簽拮走篤篤, 可看到我這些不平滑. 之後可以放上裝飾.

用熱風先一號後二號吹乾至硬身.

入爐前

出爐後. 我這盤有點燶了, 你看, 都發黃了. 

深黃色的像不像雞蛋仔?

紫色的也很好看.

出爐冷卻後才可慢慢鬆開grease proof paper. 然後再加裝飾.

特別做了一個MUFC 給老公.

馬卡龍外表好美. 但真的太甜, 只可以吃一兩件. 要等多人時才可做一次!  希望那時還記得怎樣做吧!

淘寶買物12

繼續淘寶:

Shop 3:

3呎 x 6呎沙灘巾四條

Shop 4:  搞笑note pad  和 其他文具(未影相)

仲要有個網罩住, 幾抵死!

我爸幫我拆開了包裝, 下面是不知那家送的贈品.  右面那兩枝不枝是什麼!