颱風過後, 我家對面的農田淹浸了, 希望損失不大. 昨晚有些担心那些鐵皮屋內的人的安全, 查看了幾次, 慶幸鐵皮屋都好像沒有什麼破損.
附近有一戶的天台的頂被强風揭起了, 很恐怖.
附近有些住戶特別蓋了類似的天台屋, 讓工人在內睡覺. 我想刮這樣大的風, 不要說睡覺, 就算你叫我在裏面坐, 我也不願意. 而且也沒有可能睡得著吧. 一來風聲玻璃聲很恐怖, 二來入水亦應該頗嚴重. 最令人担心的是天台屋會不會塌下來. 不過又要這樣說, 可能他們在蓋這屋時, 也沒有想過會有這樣恐怖的情形. 畢竟那種不安, 你沒有親歷其景是很難明白的.
大家看看, 澳門真的發生了爆玻璃事件:
今日蘋果日報也有報導珀麗灣有三十多戶爆玻璃, 很恐怖: http://hk.apple.nextmedia.com/news/art/20120725/16544498
我家則損壞了兩枝太陽能燈和吹走了幾個膠花盆. 最慘的是雞蛋花樹遭殃了, 希望救得番!
見到人家的天台屋頂差啲飛起，真的很恐怖。我初搬來時打風，一次九號風球，情形同你差不多，個風吹正，水從露台的落地玻璃門滲入，真係成晚都好擔心。好彩你家只是有驚無險，好也你便會習慣了。
回覆刪除[版主回覆07/27/2012 13:23:19]不過見到啲爆窗相, 都覺得唔係無可能會發生係自己身上. 第時當風都係搬竇好啲.
太大塊玻璃貼膠紙會好D，商場D玻璃門打風時都係咁。當晚我地停電，中電話元崗村一帶錦田都係咁，好彩我地冇事。呢d玻璃屋好危險，如果飛左去人地到做成損壞，賠死！
回覆刪除[首領回覆07/27/2012 13:55:36]嘩，失敬失敬，你唔講真係唔知佢原來係大廚！我覺得無talent，就算做到都真係做唔到果種高超效果！我煮野有d talent，但做餅就真係麻麻，極其量只會好食！
[版主回覆07/27/2012 13:22:04]我阿爸不是大師傅呀, 佢後生時是揸鑊鏟的, 係日本煮咕嚕肉同揚州炒飯比日本人食, 後來轉做揸車. 不過佢好有drive and determination 去解決問題. 我覺得我都有少少遺傳咗佢. 我畢業無幾耐已經自己住, 間屋好多嘢都係自己攪掂. 不過當然無佢嗰啲咁靠得住啦.
[首領回覆07/27/2012 09:50:08]若果係你爸爸呢D大師傅整，肯定龍捲風殺到都只會連根拔！
[版主回覆07/26/2012 23:48:01]係啦, 我都覺得啲鐵皮屋好amazing. 前面有一間仲係我見住佢幾個月前自己蓋的. 厲害!
[首領回覆07/26/2012 22:46:04]果D鐵皮屋好勁架，絕對經得起風雨，反而D玻璃屋先脆弱！
[版主回覆07/26/2012 22:08:06]下次都真係要貼. 我呢度無停電, 我聽收音機也有人說錦田停電.
住村屋跟住樓不同, 四邊單邊, 所以感覺真的和大自然很接近。 記得搬入來後第一次遇上 9 號風球, 那次好像是吹正我露台的方向, 所以呯呯嘭嘭非常 surround sound, 那時候我就懊悔做咩整咁大幅玻璃門 有一棵非常粗大的大樹還幾乎壓在旁邊的村屋, 真替那屋主抹一把汗！
回覆刪除[版主回覆07/27/2012 13:16:36]這十多年來打風也沒試過這麼恐怖! 在鄉郊地方心理上亦比較覺得欠缺安全感. 不過可能危機意識會好些. 相對住樓的人可能較多地方匿! 有些人把睡床放上窗台, 恐怖程度更甚! 經過今次的爆窗事件, 下次如果吹到正, 真係要搬去衣帽間瞓.