家居佈置 - 梳化的抉擇

梳化的問題十分困擾我.

天生體温比人高, 老公同我坐落同一張梳化, 佢就無事, 我就比啲嘢咬到紅晒.

之前的布梳化就係因為咁比我掉咗.

而家張皮梳化雖然入面無'au'嘢, 但啲seat 位不能拿開清潔, 所以我一坐近啲隙位, 就會有嘢咬.  而家唯有忍住先.

經過呢啲經歷, 再加上預計日後會養狗(雖然我唔諗住比佢坐我張梳化), 所以要諗一個週全的方法避免有嘢咬.  問完好多人意見後, 覺得有一個idea 幾好, 就係用布梳化.但係一定要用可以成個seat 位拎出來的. 

有網友話, 佢張布梳化除了本身的布套外, 仲再係上面蓋咗一個類似床笠的物體, 兩個星期洗一次個類似床笠的物體, 間唔中成個seat 位拎去晒太陽焗死入面啲塵蟎同蝨. 養咗幾隻狗都無問題.

於是, 我就鎖定嗰類木框梳化, 而布的部份全部可移走的.

下面有兩款最後shortlist 出來, 你哋覺得邊款好啲?

1號佳麗-Day bed, 來自淘寶(北京), 連運費RMB 4000多啲, 但有啲驚實物唔知係咪一樣.另外, Tequila Kola 都有類似款式的sofa bed 賣.

2號佳麗, 印尼織皮loveseat , 比一號佳麗短10吋, 實物其實靚過相好多, 但要$9850, 買滿萬二蚊有九折.