家居佈置 - 曼谷家品之旅

復活節去咗一轉曼谷, 原本諗住家品大搜購, 點知市中心幾個大商場都無開, 只係買得好少量.

係JJ Market 見到啲好靚的cushion, 連傢俬都未買, 就買3個先, 都唔知第時襯唔襯:

之前係Ovo Home 同中環有間shop , 仲有翠峰的示範單位都見到的貝殼/玉珮+tassels, 細個的賣$900幾, 一仟蚊一個, 大的賣二仟幾蚊一個.  見咁貴, 於是我四出搜索, 例如去深水埗, 上淘寶, 都揾唔到成品或者原材料.  但今次居然比我係JJ market  同 JJ Plaza 見到, 即刻入番幾個.

由於無得去Siam Paragon, Central World , 唯有行吓街鋪, 誤打誤撞比我撞到間Jaspal Home. Jaspal 買衫就買得多, 估唔到間Jaspal Home 都咁得, 仲好貴添!  但都買咗兩個黑色cushion  套, 同埋兩片蠟燭.  注意, 係兩片.  表面啲紋仲整到好似皮咁!

都叫做好過無啦!